‘ताण्डवम्’को गीत ‘बहँदा बहँदै’ सार्वजनिक

शुक्रवारबाट प्रदर्शनमा आएको फिल्म ‘ताण्डवम्’को गीत ‘बहँदा बहँदै’ सार्वजनिक भएको छ । गीतमा हर्क साउँदको शब्द र सुशान्त गौतम सङ्गीत तथा स्वर छ भने एरेन्ज रिकेश गुरुङले गरेका हुन् । 

जुनिम गहतराजले फिल्म निर्देशन गरेका हुन् । फिल्ममा पुष्कर गुरुङ, प्रेम सुब्बा, जुनिम गहतराज, अङ्कित खड्का, सरिना मगर, अनोज पाण्डे, कमल कार्की र गोपाल कटुवालको अभिनय छ ।

सिंहदेवी प्रोडक्सनले भिजुवल आर्ट्स स्टुडियोको सहकार्यमा निर्माण भएको फिल्मका निर्माता धनकुमारी गहतराज, सविना मगर र मनिष गौतम हुन् । हरि घले लामाले खिचेको फिल्ममा सम्राट् बस्नेतको एक्सन निर्देशन, सुशान्त गौतमको सङ्गीत र कोविद बज्रको ब्याग्राउण्ड म्युजिक रहेको छ । फिल्मको कथा, पटकथा तथा संवाद अनिरुद्ध आत्रेय र हुसेनले लेखेका हुन् ।