म्युजिक भिडियो मार्फत ' आयङ्का' को डेब्यु

कलाकार द्वय प्रियङ्का कार्की र आयुष्मान जोशीकी ३ बर्सिया छोरी आयङ्काले कलाकारितामा डेब्यु गरेकी छिन् । उनको अभिनय रहेको म्युजिक भिडियो ‘बालापनको उमेर २’ शुक्रवार युट्युबमा रिलिज भएको छ । यस अघि उनलाई केही विज्ञापनमा आमाको साथमा देखिएको थियो  ।

यो म्युजिक भिडियोबाट कलाकार सरोज ओलीकी ६ बर्सिया छोरी आन्भीले पनि कलाकारितामा डेब्यु गरेकी छिन् । म्युजिक भिडियोमा प्रियङ्कालाई पनि देख्न सकिन्छ । कोरसमा अन्य बालिका पनि नाचेका छन् ।

वसन्त सापकोटाको शब्द र सङ्गीत रहेको गीतमा सुरक्षा बाठा मगरको स्वर छ । गीतको कोरियोग्राफी र भिडियो निर्देशन मौसम हिमालीले गरेका हुन् । भिडियोको निर्माण सरोज ओलीले गरेका हुन् ।