मिस वर्ल्ड भारतको  तेलङ्गानामा हुने

७२ औँ विश्व सुन्दरी प्रतियोगिता ‘मिस वर्ल्ड’को आयोजना भारतको तेलङ्गानामा हुने भएको छ । मे ४ देखि ३१ तारिखसम्म प्रतियोगिता हुन लागेको हो मिस नेपाल आयोजक संस्था ‘द हिडन ट्रेजर’ले यसको आधिकारिक पुष्टि गरेको छ । 

२८ दिनसम्म चल्ने मिस वर्ल्डमा १२० सुन्दरीले भाग लिनेछन् । नेपालबाट मिस नेपाल २०२३ सृच्छा प्रधानले सहभागिता जनाउने पक्का भएको छ । फिनाले मे ३१ (जेठ १७) गते हैदराबादमा आयोजना हुनेछ । मिस वर्ल्डको आधिकारिक वेबसाइटले तेलङ्गानाका विभिन्न स्थानमा प्रतियोगिता हुने जनाएको छ ।