१० मिनेटको दृश्य काँटेर ‘ताण्डवम्’लाई ‘पीजी’

भोलि शुक्रबारदेखि रिलिजमा आउन लागेको फिल्म ‘ताण्डवम्’लाई चलचित्र जाँच पास समितिले ‘पिजी’ सर्टिफिकेट दिएको छ । 

यो फिल्मको केही दृश्यहरु अत्याधिक हिंसात्मक भएको भन्दै सेन्सर बोर्डले मंगलबार उक्त दृश्य काट्न भनेको थियो । 

निर्माणपक्षले फिल्मको करिब १० मिनेट लामो दृश्य काँटछाँट गरेको थियो । दृश्य काँटछाँट गरेपछि भने जुनिम गहतराजको निर्देशनमा बनेको फिल्मले ‘पिजी’ सर्टिफिकेट पाएको छ । अब, यो फिल्म हेर्नका लागि १६ भन्दा मुनीका बालबालिकाले बाबु–आमालाई साथमा लैजानुपर्ने हुन्छ । 

जुनिम गहतराज, सरिना मगर र अंकित खड्का लगायतका कलाकारहरुको अभिनय रहेको यो फिल्मले बदलाको कथा भन्छ ।