‘कमेडी दरबार’मा ‘महाराजा’को रुपमा विजयको ठाउँमा मनोज गजुरेलको प्रवेश

कमेडी टीभी शो ‘कमेडी दरबार’मा विजय बराल बाहिरिएसँगै नयाँ राजाको प्रवेश भएको छ । अब, यो शोमा महाराजाको रुपमा हाँस्य कलाकार मनोज गजुरेलको प्रवेश भएको छ । 

काठमाडौंमा आयोजना भएको पत्रकार सम्मेलनमा २७ औं भागमा महाराजाको भूमिकामा देख्न पाइने जानकारी दिइएको छ । 

पत्रकार सम्मेलनमा विजय बराल र गौरी मल्लसहित शोका सहभागीहरूको उपस्थिति थियो । यस्तै, होस्ट समेत परिवर्तन भएको पत्रकार सम्मेलनमा जानकारी दिइएको थियो । नम्रता श्रेष्ठको ठाउँमा अब सजिना खनालको प्रवेश भएको छ । 

अब, सजिनाले यो शोका निर्देशक विक्की अग्रवालले मिलेर कार्यक्रम होस्ट गर्नेछन् । यो शो पछिल्लो समयको सर्वाधिक लोकप्रिय कमेडी शो हो । प्राइभ टेलिभिजन र ओएसआर डिजिटलबाट यो कार्यक्रम प्रशारण हुँदै आएको छ ।