‘कार्की साइँला’ निर्माण हुने

फिल्म ‘कार्की साइँला’ निर्माणको घोषणा गरिएको छ । कर्ण बहादुर फिल्मस् प्रा.लिको व्यानरमा निर्माण हुने यो फिल्ममा राजेन्द्र बस्नेतको निर्देशन रहनेछ । फिल्मका प्रस्तुतकर्ता कृष्ण भगत चाम्लिङ हुन् ।

बालकुमार राई र श्याम मगर निर्माता रहेको फिल्मको थिम पोस्टरमा भारी बोकेर ओरालो हिँड्दै गरेको एक भरियालाई प्रस्तुत गरिएको छ । यो फिल्मले ग्रामीण जीवनको कथा भन्नेछ । भुइँ मान्छेको कथालाई फिल्ममा प्रस्तुत गरिने निर्देशक बस्नेतले जानकारी दिए ।

फिल्मको पात्र एक भरिया हुन् । फिल्ममा डम्बर बहादुर राइको छायांकन र कथा, अजित लामिछानेको पटकथा तथा संवाद, जीवननाथ गौतमको गीत समावेश छ ।

धनकुटामा छायांकन हुने यो फिल्मका लागि कलाकारहरूको छनोट प्रक्रिया अगाडि बढाइएको निर्माणपक्षले बताएको छ ।