मेरी बास्सैमा देखिए धुर्मुस !

कलाकार सीताराम कट्टेल ‘धुर्मुस’ टिभीश्रृंखला ‘मेरी बास्सै’मा फर्किएका छन् । धुर्मुसको पहिरनमा देखिएका उनले ६ वर्षपछि सिरियलमा फर्किएको जनाएका छन् । रामचन्द्र अधिकारी ‘काजी साब’, सुरवीर पण्डित ‘दाह्री बुढा’ लगायतका कलाकार समेतको छायाङ्कनको तस्बिर धुर्मुसले सेयर गर्दै त्यता फर्किएको जानकारी दिएका हुन् ।

शिवरात्रिमा रिलिज तयारीमा रहेको आफू अभिनीत लाज शरणम्’ प्रवर्द्धनको लागि उनी ‘मेरी बास्सै’मा देखिएका हुन् । कुमार कट्टेल निर्देशित फिल्मले पछिल्लो साता टिभी शृङ्खलामा कलाकार पठाएर फिल्मको प्रवर्द्धन गरिरहेको छ । सीतारामलाई ‘मेरी बास्सै’ले धुर्मुसको भूमिकामा चिनाएको हो ।

तस्बिर सार्वजनिक भए सँगै केही दर्शकले फर्किनु नै थियो भने फिल्ममा किन भनेर प्रश्न भने उठाइरहेका छन्।