‘११ः५५’मा यस्तो छ कलाकारहरुको लुक्स

चैत्र ८ गतेबाट रिलिजमा आउन लागेको फिल्म ‘११ः५५ (डु नट ट्रस्ट एनिवान)को क्यारेक्टर पोस्टर सार्वजनिक गरिएको छ । फिल्मका मुख्य ५ कलाकारहरुको लुक्स सार्वजनिक गर्दै निर्माणपक्षले प्रचारलाई तीव्रता दिएको हो ।

यो फिल्मका मुख्य कलाकारहरू श्रृष्टी श्रेष्ठ, महेश त्रिपाठी, करिश्मा श्रेष्ठ, एमएस अग्रज, सागर खनालको सार्वजनिक लुक्समा उनीहरुले निर्वाह गरेको भूमिका अनुसार नै प्रस्तुत गरिएको छ । यो फिल्मलाई क्राइम थ्रिलर जनरामा निर्माण गरिएको छ । केशव पाण्डेले यो फिल्मको लेखन तथा निर्देशन गरेका हुन् ।

फिल्ममा केशवसँगै एमएस अग्रज र शेखर ज्ञवालीको लेखन छ । अल्मोडा राना उप्रेतीको संगीत, कविराज गहतराजको कोरियोग्राफी, देव महर्जनको एक्सन, प्रद्युमन मिश्रको डीओपी, रामशरण उप्रेतीको सिनेमाटोग्राफी, पासाङ दावा शेर्पाको सम्पादन यो फिल्ममा छ । 

विचित्र फिल्मस् र गुड जब आर्ट्सको व्यानरमा निर्माण भएको यो फिल्ममा श्याम शर्मा र सरोजा शर्माको लगानी छ । एमएस अग्रज कार्यकारी निर्माता रहेको यो फिल्ममा वुद्दि तामाङ र विशाल पहारीको पनि अभिनय हेर्न सकिन्छ ।