फिल्म 'पिआर' को छायाङ्कन सुरु

सलोन सलिना फिल्मसको ब्यानरमा निर्माण हुने फिल्म ‘पिआर को मङ्गलवार अस्ट्रेलियामा छायाङ्कन सुरु भएको छ । कोग्रास्थित बैठक रेस्टुरेन्टमा फिल्मको मुर्हतसँगै छायाङ्कन सुरु भएको हो । रञ्जित शाह र लेन-वे डम्प्लिङ सिड्नी प्रस्तुतकर्ता रहेको फिल्मको निर्देशन शोभित बस्नेतले गर्नेछन् ।

कलाकार आरए सुरज पौडेल, राजन कुँवर, विनीता कार्की, पूजा चौधरी र आस्मा अधिकारीले मुहूर्त सट दिएका थिए । फिल्ममा कुशल थापा, विमला खत्री, म्याक्स, कृष्ण थापा र नवीन घायलको पनि अभिनय हुनेछ ।

 फिल्मका प्रदीप दाहाल र लक्ष्मण सापकोटा निर्माता हुन् भने गणेश केसी कार्यकारी निर्माता रहेका छन् । मानसराजको सङ्गीत, बस्नेतको कथा, गणेश बुढाथोकीको पटकथा र संवाद, सौरभ मानन्धरको छायाङ्कन र बन्दे प्रसादको सम्पादन हुनेछ । निर्देशक बस्नेतले छायाङ्कन अस्ट्रेलियाको विभिन्न सहरमा र २५ प्रतिशत नेपालमा गरिने बताए ।