‘ताण्डवम्’ ट्रेलरः भगवान् पनि मैं, अनी राक्षस...’

जुनिम गहतराजको डेब्यू निर्देशनमा बदलाको कथा बोकेको फिल्म ‘ताण्डवम्’को ट्रेलर सार्वजनिक भएको छ । यो फिल्मको ट्रेलरले पारिवारिक र एक्सनको कथा भन्छ । ट्रेलरमा समावेश ‘भगवान पनि मै, अनि राक्षस’ संवाद दर्शकका लागि कौतुहलता उत्पन्न गर्ने खालको छ । 

फिल्ममा जुनिम गहतराज, पुष्कर गुरुङ, प्रेम सुब्बा, सरिना मगर, अनोज पाण्डे, कमल कार्की र गोपाल कटुवालको अभिनय छ । यो फिल्मले एक नव–विवाहित जोडीले पहिलो सन्तानको प्रतीक्षा गरिरहेको समयमा घटेको अकल्पनीय घटनाको कथा भन्छ ।

सिंहदेवी प्रोडक्सनले भिज्युअल आर्टस् स्टुडियोको सहकार्यमा निर्माण गरेको फिल्ममा धनकुमारी गहतराज, सविना मगर र मनिष गौतमको लगानी छ । हरि घले लामाको छायांकन रहेको यो फिल्ममा सम्राट बस्नेतको एक्सन, सुशान्त गौतमको संगीत, अनिरुद्ध आत्रेय र हुसेनको कथा, पटकथा तथा संवाद छ ।

फागुनको ९ गतेबाट रिलिजमा आउने यो फिल्मले आफ्नो प्रिय मानिस गुमाएपछि उत्पन्न बदलाको कथा भन्छ ।