रानी म्युजिकबाट ‘मालती मंगले’ बनाउँदै रामकृष्ण ढकाल

गायन क्षेत्रमा आफ्नो छुट्टै स्थान बनाइसकेका गायक रामकृष्ण ढकालले फिल्म निर्माण गर्ने भएका छन् ।

छोरी रानी ढकालको नाममा स्थापना गरिएको रानी म्युजिकबाट रामकृष्णले फिल्म निर्माण गर्न लागेका हुन् । 

उनले, निर्माण गर्न लागेको फिल्मको नाम ‘मालती मंगले’ राखिएको छ । यो फिल्मको केही दिन अगाडि मात्र चलचित्र विकास बोर्डमा दर्ता गरिएको हो । 

यो फिल्मलाई प्रकु पाण्डेले लेखन तथा निर्देशन गर्ने पक्का भएको छ । प्रकुले यसअघि पनि केही फिल्म लेखिसकेका छन् । 

प्रकु नेपाली फिल्म क्षेत्रमा एक दशक भन्दा लामो समयदेखि काम गरिरहेका छन् । अब भने उनले फिल्म निर्देशनमा आफूलाई अगाडि बढाउन लागेका हुन् ।

फिल्मका कलाकार र प्राविधिकहरूको बारेमा अहिले केही पनि बताइएको छैन । तर, नामले पनि यो फिल्मले लभ स्टोरी कथामा बन्न लागेको वुझ्न सकिन्छ । 

गायक ढकालले फिल्म ‘आर्शिवाद’मा काम गरेका थिए । उनले, थुप्रै फिल्मका गीतमा पनि स्वर दिएका छन् । अब भने उनी फिल्म निर्माणमा अगाडि बढ्ने दौडमा लागेका छन् ।