लभ स्टोरी फिल्म बनाउँदै चाम्स

निर्देशक मिलन चाम्सले लभ स्टोरी फिल्म बनाउने भएका छन् । सोमबार थिम पोस्टर सार्वजनिक गर्दै उनले आफ्नो  एघारौँ फिल्मको रूप बाहिर ल्याएका हुन् ।

थिम पोस्टरमा हवाईजहाज र पहाडी भूभागलाई चित्रण गरिएको छ । ‘यो रोचक लभ स्टोरी हुनेछ’ निर्देशक चाम्सले भने, ‘लन्डन र नेपालबिचको प्रेमलाई फिल्ममा उतार्न खोजेका हौँ ।’ 

आगामी अगस्टमा लन्डन र नेपालमा छायाङ्कन हुने फिल्मलाई चाम्स इन्टरटेनमेन्ट र गोर्खा फिल्मसले निर्माण गर्न लागेका हुन् । राजीव थापाको पटकथा रहने फिल्ममा चाम्सको निर्देशन हुनेछ ।