फिल्म 'जुना : एक व्यथा' को ट्रेलर

माघ २५ गतेबाट प्रदर्शनमा आउन लागेको फिल्म ‘जुना : एक व्यथा’को ट्रेलर सार्वजनिक भएको छ । बालविवाह र महिला हिंसाविरुद्ध सन्देश दिने कथावस्तुमा बनेको फिल्मको शीर्ष भूमिकामा अस्मिता ढकाल फिचर्ड छिन् ।

बालविवाह सामाजिक अपराध रहेको र यसलाई अन्त्य गर्नुपर्ने सन्देशसहित फिल्म निर्माण गरिएको निर्देशक सेन्चुरीले पत्रकार सम्मेलनमा बताए । सन् २०३० सम्ममा बालविवाह अन्त्य गर्न सरकारले लिएको लक्ष्यलाई फिल्मले सघाउने उनले बताए । 

जीवन सेन्चुरी निर्देशित फिल्म गोदावरी फिल्म प्रोडक्सन एन्ड रिसर्च सेन्टर प्रालिको ब्यानरमा निर्माण भएको हो । फिल्ममा अस्मितासहित कृष्णप्रसाद धिताल, देशभक्त खनाल, रश्मि भट्ट, कमल बोहोरा, अस्मिता बस्नेत, खगेन्द्र न्यौपाने, विकास आनन्द, इन्द्र बिके र केशव अधिकारीको पनि अभिनय छ ।

पर्वतको सालिजा ओख्रेनीमा छायाङ्कन गरिएको फिल्ममा दीपकप्रसाद घिमिरेको लगानी छ । फिल्ममा राजबहादुर सानेको कथा, बीबी अनुरागी र रमेश सेन्चुरीको सङ्गीत छ । फिल्मलाई रामेश्वर हुमागाईँले खिचेका हुन् ।