‘डोरी’को दोस्रो पोस्टरमा अटाइन् अन्जना

पहिलो पोस्टरले दर्शकको ध्यान खिच्न नसकेपछि फिल्म ‘डोरी’को दोस्रो पोस्टर सार्वजनिक भएको छ । चैत्रको १५ गतेदेखि रिलिजमा आउन लागेको यो फिल्मको नयाँ पोस्टरमा अधिकांश कलाकारहरू अटाएका छन् । 

नयाँ पोस्टरमा फिल्मका मुख्य कलाकारहरू प्रवीण खतिवडा, शिशिर वाङ्देल, प्रकाश घिमिरे, अरुण लामा, अञ्जना बराइली, राज पौडेल, कविता आले, नूतन र राज थापालाई प्रस्तुत गरिएको छ । 
पोस्टरको केन्द्रमा रहेकी नायिका अञ्जना पारम्परिक पोशाकमा मुस्कुराउँदै बसेको देख्न सकिन्छ । 

अरुण लामाको लेखन तथा निर्देशनमा तयार भएको यो फिल्ममा वीरेन्द्र कुशवाहाको पनि अभिनय छ । फिल्ममा दिनेश भट्टराइको लगानी छ भने राज थापा कार्यकारी निर्माताको रुपमा छन् । राजु तामाङको एक्सन रहेको फिल्ममा राजनराज सिवाकोटीको संगीत, मिलन श्रेष्ठको सम्पादन छ ।