दिकिलाले सहमती नमानेपछि ‘माइतीघर’मा श्यामाश्रीको प्रवेश

दिकिला शेर्पाले सहमति भंग गरेपछि निर्माता रोहित अधिकारीले फिल्म ‘माइतीघर’मा नायिका रिप्लेस गरेका छन् । यो फिल्मबाट दिकिलालाई डेब्यू गराउने तयारी रोहितको थियो ।

तर, यो फिल्म भन्दा अगाडि रिलिज र छायांकन हुन लागेको फिल्म ‘कुस्ती’मा दिकिला अनुबन्धित भएपछि निर्माता अधिकारी आक्रोशित बनेका थिए । यसैले, अब उनले फिल्ममा नयाँ नायिकालाई अनुबन्धित गरेका छन् । 

फिल्ममा अब सिक्किममा रहँदै आएकी श्यामा श्री शेर्पाको प्रवेश भएको छ । श्यामाश्रीले छोटो फिल्म ‘तारा’मा काम पनि गरिसकेकी छिन् । यस्तै उनी, ‘कान्स फिल्म फेस्टिभल’मा सहभागी समेत भइसकेकी छिन् । 

श्यामाले राम्रो काम गर्ने विश्वास रोहितको छ । मिलन तामाङको निर्देशनमा तयार हुन लागेको यो फिल्ममा केदार घिमिरे, प्रकाश सपुत, धिरज मगर, उपासना सिंह ठकुरी, वुद्दि तामाङ, शिशिर वाङ्देल लगायतका कलाकारहरू फाइनल भइसकेका छन् ।

फिल्मलाई आउँदो बर्षको दशैंको फूलपातिबाट रिलिज गर्ने तयारी रोहितको छ ।