अरविन्द र जोसेफ रोडिजका फाइनलिस्ट

हिमालय रोडिजको छैटौँ सिजनमा टिम अनुपविक्रम शाही र टिम लाउरेका दुई प्रतिस्पर्धी फाइनलिस्टको रूपमा उपाधि जित्ने होडमा छन् । टिम लाउरेबाट जोसेफ शर्मा र टिम लाउरेका अरविन चन्द ठकुरी फिनालेमा पुगेका छन् ।

सोमबार हुने विजेताले १० लाख नगदसहित यामहाको तर्फबाट मोटरसाइकल र गिफ्ट ह्याम्पर प्राप्त गर्नेछन् । उपविजेताले १ लाख नगदसहित गिफ्ट ह्याम्पर प्राप्त गर्ने जनाइएको छ । 

छैटौँ सिजनमा १६ जना प्रतिस्पर्धीले सहभागिता जनाएका थिए । चुनौतीपूर्ण काम र प्रतिस्पर्धालाई छिचोल्दै जोसेफ र अरविन्द फिनालेमा पुगेका हुन् । यो सिजनमा अनुपविक्रम शाही, दीया मास्के, प्रियङ्का कार्की र आशिष राना लाउरे ग्याङ लिडरको रूपमा छन् । छैटौँ सिजनलाई रेमनदास श्रेष्ठले होस्ट गरिरहेका छन् । सिमोस सुनुवार निर्देशक हुन् ।