‘माया प्रीति’ निर्माण गर्दै निशा

वन टू थ्री स्टुडियोज् प्रा.लिको व्यानरमा निर्माण हुन लागेको नयाँ फिल्म ‘माया प्रीति’को आज घोषणा भएको छ । यो फिल्मलाई रोमान्टिक कमेडी कथामा निर्माण गरिनेछ । फिल्मलाई अवि श्रेष्ठले निर्देशन गर्दैछन् । नायिका निशा अधिकारी कार्यकारी निर्माता रहेको यो फिल्मका क्रियटिभ निर्देशक प्रणव जोशी हुन् ।

सन्तोष कुमार कार्की पनि फिल्मका कार्यकारी निर्माता हुन् । यो फिल्मको समूहले यसअघि ‘प्ले इट अन’ नामक टेलिभिजन शोजमा काम गरेको थियो । यो फिल्मले नयाँ युगको प्रेमकथा भन्नेछ । जहाँ सहज वा असहज परिस्थितिमा पनि प्रेमको मूल्य एक समान हुन्छ भन्ने कथा भन्छ । यो टिमले आगामी दिनमा पनि निरन्तर फिल्म बनाउने बताएको छ । 

फिल्मका कलाकारहरुको बारेमा केही पनि बताइएको छैन ।