‘ताण्डवम्’को टिजरमा बदलाको कथा

सिंहदेवी प्रोडक्सनको प्रस्तुतिमा निर्माण भएको फिल्म ‘ताण्डवम्’को टिजर सार्वजनिक भएको छ । फागुनको ९ गतेबाट रिलिजमा आउन लागेको यो फिल्मको टिजरमा प्रेम, युद्ध र बदलाको कथा छ । 

पहिलो सन्तानको प्रतीक्षा गरिरहेका एक दम्पतीको जीवनमा एकाएक आइपर्ने एउटा घटना र त्यसले निम्त्याएको परिस्थितिको कथामा यो फिल्म बनेको छ । 

यो फिल्ममा सरिना मगर, अंकित खड्का, अनोज पाण्डे, पुस्कर गुरुङ, प्रेम सुब्बा, जुनिम गहतराज, कमल कार्की, रश्मी मगर र गोपाल कटुवालको मुख्य भूमिका छ । 

जुनिम गहतराजको निर्देशनमा तयार भएको यो फिल्ममा धनकुमार गहतराज, सविना मगर, मनिष गौतम, दीपिका गजमेरको लगानी छ ।

निर बहादुर गहतराज र रोशन रोय कार्यकारी निर्माता रहेको फिल्ममा अनिरुद आत्रेय र हुसेनको लेखन, हरि बहादुर घलेको छायांकन, नहकुल खड्काको सम्पादन, रोशन विश्वकर्माको कोरियोग्राफी छ । फिल्मको टिजरले दर्शकको ध्यान तान्ने देखिन्छ ।