प्रश्नै प्रश्नले घेरिएका छवि, भन्छन्–‘यसपटक सरप्राइज हुन्छ’

निर्माता छविराज ओझा बुधबार आयोजित फिल्म ‘केटी हराएको सूचना’को प्रिमियरमा पुग्दा मिडियाकर्मीको माझ घेरिए । निर्माताको रुपमा छविको पहिले जस्तो क्रेज र चर्चा थियो, बुधबार पनि त्यस्तै देखियो । 

अझ, पछिल्लो समय आएका केही खबरहरूका कारण छवि मिडियाको नजरमा परेका हुन् । छविराजले फिल्म ‘मंगलम २’ बनाउने घोषणा गरेसँगै उनको चर्चा पनि चुलिएको छ । अर्कोतिर, मेरो फिल्मसँग उनले ‘बाघ निर्माता मै हुँ’ भनेपछि चर्चा खुबै भइरहेको छ ।

यस्तै, नायिका शिल्पा पोखरेलसँग डिभोर्सपश्चात छविले ६ करोडको घर दिएको खबर पनि मिडियामा सार्वजनिक भइरहेका छन् । यहीकारण, छवि मिडियाको विचमा घेरिएका हुन् । 

तर, छवि यी विषयमा क्यामेराको अगाडि बोल्न नै चाहँदैनन् । ‘मंगलम २’मा नायक पुष्प खड्का र नायिका शिल्पा पोखरेल हुन्छन् कि हुँदैनन् भन्ने प्रश्नमा छविले निर्देशक नवल नेपाललाई सोध्न आग्रह गरे । 

छवि कलाकारको विषयमा बोल्न नै चाहँदैनन् । अर्कोतिर, शिल्पासँगको डिभोर्सको विषयमा छविको मुख खुलेको छैन । उनले, यो कुरा पुरानो भइसकेको जवाफ दिए । तर, ‘मंगलम २’मा नायिकाको विषयमा भने छविले भने–‘यसपटक तपाइहरु सबै सरप्राइज हुनुहुनेछ ।’