आनालाई छैन ‘जेरी’मा रुचि

नायिका आना शर्मा हाल फिल्म ‘एक्टर’को प्रचारमा छिन् । यो फिल्मको प्रचारका क्रममा यसको टिमले विभिन्न सामाग्रीहरु सार्वजनिक गरिरहेको छ । यसैबिच, निर्माणपक्षले सार्वजनिक गरेको एक भिडियो भने अहिले दर्शकको नजरमा परेको छ । 

भिडियोमा नायक प्रदीप खड्का जेरी बोकेर आनाको छेउमा पुग्छन् । तर, आनाले जेरी खान अस्विकार गर्छिन् । जेरीमा चिनी धेरै हुने भएकाले आनाले नाक खुम्चाउँछिन् र खाना मान्दिनन् । प्रदीप नायिका भएपछि यस्तै हो भन्दै आफै जेरी खान्छन् । झट्ट हेर्दा यो भिडियोले फिल्म ‘एक्टर’को प्रचार गर्न खोजे जस्तै देखिन्छ । 

तर, फिल्म ‘जेरी अन टप’को टिमले फिल्मबाट निकालेपछि आना असन्तुष्ट छिन् । उनले, बारम्बार यो फिल्मको नाम पनि लिन नचाहेको प्रष्ट छ । यसैले, पनि आनालाई अहिले जेरीदेखि नै एलर्जी छ । 

‘एक्टर’को टिमले घुमाउरो शैलीमा ‘जेरी अन टप’लाई पनि फिल्मको प्रचारमा तान्न खोजेको देखिन्छ । यो प्रचार शैलीले फिल्मको टिमलाई कति फाइदा हुन्छ, त्यो हेर्न बाँकी छ । तर, आनालाई जेरी कहिलेसम्म एलर्जी हुने हो त्यो भने हेर्न बाँकी छ ।