यश अभिनित ‘टक्सिक’ टिजर सार्वजनिक

दक्षिण भारतीय अभिनेता यशको प्रतीक्षित फिल्म ‘टक्सिक’को टिजर सार्वजनिक भएको छ । यशको जन्मदिनको अवसर पारेर बुधबार टिजर सार्वजनिक गरिएको हो ।

टिजरमा उनको रोयल लुक्स देख्न सकिन्छ । युवातिहरुसंग क्लबमा रमाईलो  गर्दैगर्दाको दृश्य र सुटबुटमा उनी आकर्षक देखिएका छन् । ‘अनलिस्ड लेख्दै टिजरलाई यशले सामाजिक सञ्जालमा सेयर गरेका छन् । 

फिल्मलाई गीतु मोहनदासले निर्देशन गरेका हुन् । केभीएन प्रोडक्सन र मोन्स्टर माइन्ड क्रिएसनले संयुक्त रूपमा निर्माण गरेका हुन् ।  रिलिज मिति घोषणा नभएको यो फिल्मका अन्य कलाकारबारे समेत जानकारी सार्वजनिक गरिएको छैन ।