कस्तो छ ‘जुना’को दोस्रो पोस्टर ?

बाल विवाह तथा महिला हिंसा निरुत्साहित गर्ने उद्देश्यले निर्माण गरिएको फिल्म ‘जुना’को दोस्रो पोस्टर सार्वजनिक गरिएको छ । माघको २५ गतेबाट रिलिजमा आउने यो फिल्मको दोस्रो पोस्टरमा मुख्य कलाकारहरू अस्मिता ढकाल र कृष्णप्रसाद धितालललाई प्रस्तुत गरिएको छ । विवाहित अस्मिताको काखमा सन्तान बोकेर निराश भावमा कतै टोलाएको देख्न सकिन्छ । 

गोदावरी फिल्मस् प्रोडक्सन एण्ड रिसर्च प्रालिको व्यानरमा निर्माण भएको यो फिल्मलाई जीवन सेञ्चुरीले निर्देशन गरेका हुन् । यो फिल्ममा देशभक्त खनाल, रश्मि भट्ट, कमल बोहोरा, अस्मिता बस्नेत र खगेन्द्र न्यौपानेको अभिनय छ । 

पर्वतको सालिजा ओख्रेनीमा छायांकन गरिएको यो फिल्ममा दीपकप्रसाद घिमिरेको लगानी छ । फिल्ममा राजबहादुर सानेको कथा, बीबी अनुरागी र रमेश सेञ्चुरीको संगीत, जीवन सेन्चुरी र भीमबहादुर पौडेलको शब्द, रामेश्वर हुमागाँइको डीओपी छ ।