सविनको ‘बिहानीको किरण…’ सार्वजनिक

गायक सविन श्रेष्ठले ‘बिहानीको किरण...’ बोलको नयाँ गीत सार्वजनिक गरेका छन् । गीतमा उनकै शब्द र सङ्गीत छ । गीतले प्रेम र एक अर्का बिचको साथको कुरा गर्छ । धोकाधडीमा रुमलिएको युवायुवतीको प्रेममा विश्वास र भरोसाको अपेक्षाको कुरा गर्छ । 

यो गीत सविनप्रतिको आशा र उनको सङ्गीत यात्राको उत्सव पनि हो । प्रेम र साथको सुन्दर भावनालाई समेटेर तयार पारिएको गीतले श्रोतालाई सविनको कथा पनि भन्छ । “सङ्गीतले मलाई नयाँ जीवन दिएको छ । यो गीत मेरो जीवनको त्यही यात्रा हो, जसले मलाई जिन्दगीलाई फेरि प्रेमिल बनाएको छ,” सविन भन्छन्, “केही आफ्नै भोगाइ र केही कल्पनाको समीश्रण गीतमा समेटेको छु ।”

गीतको भिडियोमा जीवन भट्टराई र लक्ष्मी बर्देवाले अभिनय गरेका छन् । भिडियोको निर्देशन पनि जीवन र लक्ष्मीले नै गरेका छन् । बुद्ध थापाले खिचेको भिडियो विष्णु खड्काले सम्पादन गरेका हुन् ।