‘प्रेम दिवस’मा डुबेका विशाल, जो साम्राज्ञीसँग महंगो भिडियो किन बनाउँदैछन् ?

फिल्म ‘प्रेम दिवस’मा रहरै रहरले काम गरेका कलाकार विशाल खरेल अहिले परिवर्तन भएका छन् । यो फिल्ममा उनले नायिका प्रियंका कार्कीसँग स्क्रिन शेयर गरेका थिए । यो फिल्ममा उनी कलाकारको रुपमा रहेपनि लगानी पनि गरेको चर्चा चल्यो । 

उनै, विशालले अभिनय गरेको दुई वटा म्युजिक भिडियो लगालग बजारमा आए । यी दुबै गीतमा नायिका साम्राज्ञी राज्यलक्ष्मी शाहले अभिनय गरेकी छिन् । साम्राज्ञीको बोल्ड अवतार दुबै भिडियोमा हेर्न सकिन्छ । 

‘मालती र हरे हरे’ बोलका दुई म्युजिक भिडियोमा साम्राज्ञी र विशालले खुलेरै रोमान्स गरेका छन् । यी दुबै भिडियोमा महँगो खर्च गरेको देखिन्छ । 

फिल्ममा निर्माण तथा अभिनय गरेर डुबेका विशाल एकाएक भिडियो पर्दामा आए र सिंगो बजारलाई नै तरंगित बनाइरहेका छन् । यी दुबै भिडियोका लागि उनले करोड हारहारीको खर्च गरेको चर्चा छ । 

थाइल्याण्डमा जम्बो टोलीलाई राखेर उनले भिडियो बनाएका छन् र अभिनय पनि गरेका छन् । कतिपयले त फिल्म नै बनाउने पैसा विशालले भिडियोमा खर्च गरेको तर्क पनि गरिरहेका छन् । 

जेहोस्, फिल्ममा उनले अपेक्षा गरे अनुसारको चर्चा त पाएनन् । तर, महँगो बजेटमा भिडियो बनाएर अहिले चर्चामा छन् ।