‘केटी हराएको सूचना’को ‘सपनीमा’ गीत रिलिज

माघको ११ गतेबाट रिलिजमा आउन लागेको फिल्म ‘मिसिङः केटी हराएको सूचना’को नयाँ गीत ‘सपनीमा’ रिलिज गरिएको छ । आज काठमाडौंमा आयोजित पत्रकार सम्मेलनमा इन्दिरा जोशी र करण परियारको स्वर, करूण थापाको शब्द तथा संगीतमा तयार भएको गीतको भिडियो सार्वजनिक गरिएको हो । 

यो गीतको भिडियोमा फिल्मका मुख्य कलाकारद्वय नाजिर हुसेन र श्रृष्टी श्रेष्ठको अभिनय हेर्न सकिन्छ । भिडियोमा यी दुइको प्रेमभाव देख्न सकिन्छ । 

रामजी लामिछानेको कोरियोग्राफीमा तयार भएको भिडियोमा निशा राजभण्डारी र बन्दे प्रसादको सम्पादन छ । मानकृष्ण महर्जनले यो फिल्म खिचेका हुन् । 

दीपेन्द्र गौचनको निर्देशनमा तयार भएको यो फिल्ममा ट्रि–सिटी पिक्चर्सको प्रस्तुति छ । यो फिल्मले तराईको एक केटा र काठमाडौंकी एक केटीको प्रेमकथा भन्छ ।