मेलिनाको गर्भावस्थाको भिडियो 'दिन प्रतिदिन' सार्वजनिक

गायकगायिका मेलिना मैनाली र कमल खत्री आमाबुवा बन्दै छन्। गर्भावस्थाको कथा समेटेर उनीहरूले म्युजिक भिडियो समेत तयार पारेका छन्।  खास गरी मेलिनाको गर्भावस्थाको अनुभव समेटेर उनीहरूले 'दिन प्रतिदिन' बोलको  गीत सार्वजनिक गरेका हुन् । 

गीत सार्वजनिक गर्दै मेलिनाले लेखेकी छन्– 'एउटा मेरो मुटु धड्की रहेछ, अर्को मेरो बच्चाको मुटु धड्की रहेको छ। तिमीलाई यो संसारमा ल्याउन म निकै नै आतुर छु। अहिले म एउटा आमा बन्ने सुन्दर सौभाग्यलाई अनुभव गरिरहेकी छु। र, यो खुसी हजुरहरूलाई पनि सुनाउँदै छु।'

त्यस्तै कमल लेख्छन्– 'जीवनका अनेक खुसीको पलहरूमध्ये एउटा खुसीको पल थपिँदै छ, छिट्टै नै हामी हाम्रो बच्चाको आमाबुवा बन्न लागेको खबर यहाँहरूलाई सुनाउन पाउँदा हामी धेरै खुसी छौँ, यहाँहरूको माया, आशीर्वाद रहिरहने अपेक्षा गर्दछौँ।'

मेलिना र कमलले २ वर्षअघि विवाह गरेका थिए।