बाल गायक सचिन परियारको निधन

बाल गायक सचिन परियारको निधन भएको छ । आज बिहान उनको उपचारको क्रममा निधन भएको हो । सचिनको बिहान पौने ११ बजे निधन भएको हो । त्रिवि शिक्षण अस्पतालमा उनको निधन भएको हो । 

सचिनको १३ बर्षको उमेरमा निधन भएको हो । उनको केही दिनदेखि आइसीयुमा उपचार भइरहेको थियो । स्वास्थ्य अवस्थामा समस्याका कारण थलिएका उनको कम्मरमुनिको भाग राम्रोसँग चल्दैन थियो । यसअघि शल्यक्रिया गरेर तङ्ग्रिएका सचिन आफ्नै बलमा उभिन नसक्ने अवस्थामा थिए । 

सचिन भाइरल गायकको रुपमा चर्चित थिए । उनले ‘रातो रबर एक, रुमाल खस्छ कि, के छ र हजुर, बरको छायाले’ लगायतका गीत गाएका थिए । उनले हाँस्य सिरियल ‘मेरी बास्सै’मा पनि काम गरेका थिए ।