कस्तो छ ‘लाज शरणम्’को फस्टलुक ?

फागुनको १४ गतेबाट रिलिजमा आउन लागेको फिल्म ‘लाज शरणम्’को पोस्टर सार्वजनिक भएको छ । सार्वजनिक तीन पोस्टरले केही फरक अनुभुती गराएका छन् । सार्वजनिक पोस्टरमा हरिस निरौला, विजय बराल, सागर लम्साल, अर्जुन घिमिरे लगायतका कलाकारहरूलाई हेर्न सकिन्छ ।

फिल्मको पोस्टरले गम्भीर विषयतर्फ संकेत गरेको छ । तर, गम्भीर विषयलाई रमाइलो तरिकाले फिल्ममा प्रस्तुत गरिएको वुझ्न सकिन्छ । फिल्मको पोस्टरले कथा भने केही पनि खुलाएको छैन ।

कुमार कट्टेलको निर्देशनमा तयार भएको यो फिल्ममा मुकुन्द श्रेष्ठ, विजय बराल, प्रशान्त ताम्राकार, महेश त्रिपाठी, अर्पण थापा, रेणु योगी, माला लिम्बु, अर्जुन घिमिरे, सागर लम्साल, हरिष निरौला, प्रियाना आचार्य, वविन राई, राम भजन कामत, कमलमणी नेपाल लगायतका कलाकारहरुको अभिनय छ ।

फिल्ममा सुदिप बरालको डीओपी छ । जेपिटी क्रियसनको ब्यानरमा निर्माण भएको यो फिल्ममा नवीन श्रेष्ठ निर्माताको रुपमा छन् । राम नरेश शाह र श्रृजना खड्का सह–निर्माता रहेको यो फिल्मको विदेश अधिकार पनि विक्री भइसकेको छ ।