चैत्र १ गतेबाट ‘राजागंज’ रिलिज हुने

फिल्म ‘पूजा सरः राजागंज’को पोस्टर सार्वजनिक गरिएको छ । चैत्र १ गतेदेखि यो फिल्म हलमा रिलिज हुने पक्का भएको हो । यसको निर्माणपक्षले फिल्मको नयाँ पोस्टर पनि सार्वजनिक गरेको छ । फिल्मको नयाँ पोस्टरमा दयाहाङ राई, आशा मगराती, विजय बराल, निकिता चाण्डकलाई स्थान दिइएको छ । पोस्टरमा दयाहाङ प्रहरी एसपीको पोशाकमा देखिएका छन् ।

फिल्मको पोस्टर हेर्दा कुनै घटनाका लागि तयार रहेको प्रहरीको टोली जस्तो देखिएको छ । यो फिल्मलाई दीपक रौनियारले निर्देशन गरेका हुन् । रामबाबु गुरुङको निर्माणमा तयार भएको फिल्मलाई पुलिस थ्रिलरको जनरामा राखिएको छ । 

फिल्ममा ऋचा शर्मा पशुपति राई, गौमाया गुरुङ, घनश्याम मिश्रा, आरती मण्डल तथा पुष्पा यादवको पनि अभिनय छ ।