कस्तो छ ‘कार्साङ’को ट्रेलर ?

पौषको २६ गतेबाट रिलिजमा आउन लागेको फिल्म ‘कार्साङ’को ट्रेलर सार्वजनिक भएको छ । 

सार्वजनिक ट्रेलरमा फिल्मका अधिकांश कलाकारहरूलाई देखाइएको छ । फिल्ममा दयाहाङ राई, जितु नेपाल, दिया मास्के, वुद्दि तामाङ, रविन्द्र झा, प्रेम लोप्चन, कविता आले लगायतका कलाकारहरुको अभिनय छ । 

यो फिल्ममा यम शेर्पाको कथा, पटकथा, संवाद र निर्देशन छ । फिल्ममा पुरुषोत्तम प्रधानको लगानी छ । प्रधानले फिल्म पनि खिचेका हुन् । फिल्ममा वीरेन्द्र शाही लाइन प्रोड्युसर, गोविन्द बोहरा सह–निर्माता, भूपेन्द्र अधिकारी सम्पादकको रुपमा छन् । 

साहिल खानले यो फिल्म तयार पारेका हुन् । फिल्ममा मनोज थापा मगर, एसडी योगी, विश्व दोङ र अस्मान लोप्चनको संगीत छ ।