टिकटकमा 'बार्दली' का एक लाख बढी भिडियो

सामाजिक सञ्जालमा चर्चित गीत बार्दलीले टिकटकमा अझ बढी लोकप्रियता कमाएको छ । यस गीतमा प्रयोग भएको 'उसको एक झलक ' भन्ने क्लिप्स प्रयोग गरी हाल सम्म टिकटक प्रयोगकर्ताले एक लाख भन्दा बढी भिडियो बनाई सकेका छन् ।
दुई महिना अघि रिलिज भएको सुशान्त केसीको यो गीत युट्युबमा पनि त्यतिकै चर्चित छ । हाल सम्म युट्युबमा तिन करोड तिस लाख भन्दा बढी पटक हेरिएको छ । सुशान्तकै शब्द तथा सङ्गीत रहेको गीतमा सुशान्तसहित इन्द्रकला राई, निश्चल बस्नेत, स्वस्तिमा खड्का र सृष्टि श्रेष्ठको समेत अभिनय छ ।