‘होस्टेल ३’को प्रदर्शन घोषणा, फागुन २३ मा आउने

सशान कँडेलले निर्देशन गरेको फिल्म ‘होस्टेल ३’को नयाँ पोस्टरसँगै प्रदर्शन मिती घोषणा गरिएको छ । यो फिल्म आगामी फागुन २३ गतेलाई प्रदर्शन घोषणा गरिएको हो । 

नेपालसँगै अन्य मुलुकहरुमा एकसाथ प्रदर्शन गरिने फिल्मको सार्वजनिक सार्वजनिक पोस्टरमा चार मुख्य पात्रहरूलाई रमाइलो मुद्रामा प्रस्तुत छन् । पोस्टर हेर्दा यो फिल्म हास्यरसमा आधारित रहेको अनुमान गर्न सकिन्छ । 

पोस्टरमा फिल्मका प्रमुख पुरुष पात्रहरूले बास्केटबल कोर्टमा रमाइला गतिविधिहरू गरिरहेका छन् । यी चार मुख्य पात्रहरू - आशिष घिमिरे, पारस बम (कुलब्वाई), रिहान गिरि, र पदम तामाङ हुन् । यो पोस्टर राकेश दाहालले तयार पारेका हुन् ।

‘होस्टेल ३’ ले क्याम्पस जीवनका सङ्घर्ष, मित्रता, र रमाइलो क्षणहरूको कथा समेट्ने अपेक्षा गरिएको छ । यो फिल्मको स्क्रिप्ट माधव शर्माले लेखेका छन् । कथा निर्देशक कँडेलकै हो । 

सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको यो फिल्मको निर्माताहरू कर्ण कार्की र गोविन्द अधिकारी, सह-निर्माता सुरेश कँडेल तथा कार्यकारी निर्माता शङ्कर कोइराला हुन् । फिल्ममा पारस, रिहान, आशिष, पदमसहित सिम्रन पन्त, हेना नगरकोटी, उमर खान, समा पराजुली, सन्तोष बानियाँ, रोहन श्रेष्ठ, आशिष पुरुषलगायतका कलाकारहरूको अभिनय रहेको छ ।

अर्जुन तिवारी डिओपी, बुद्ध थापा र मनोज खत्री सिनेमाटोग्राफर, सुदिप कुँवर मुख्य सहायक निर्देशक, यम प्रसाद ओली प्रोडक्सन डिजाइनर रहेको फिल्ममा विकास दाहालको सम्पादन, प्रवीण सिंह र रोशन विश्वकर्माको कोरियोग्राफी, हिमाल केसीको द्वन्द्व निर्देशन रहेको छ ।