‘श्री बुकुरो’को टिजरमा लक्ष्मी र आर्शीवाद

फिल्म ‘श्री बुकुरोः द होम कलिङ’को टिजर सार्वजनिक गरिएको छ । सुदीप भुपाल सिंहको निर्देशनमा तयार भएको यो फिल्मको टिजरमा मुख्य कलाकार लक्ष्मी गिरीले वाचन गरेको कविताको अंश प्रस्तुत गरिएको छ ।

फिल्म ‘माला र रुद्रप्रिया’पछि सुदीपले यो फिल्मको निर्देशन गरेका हुन् । फिल्मको टिजरमा लक्ष्मी र नायक आर्शीवाद क्षेत्री गाउँ फर्किरहेको देखाइएको छ । यो फिल्मले ग्रामीण परिवेशको कथा उठाएको देखिन्छ ।

फिल्म रेञ्जको व्यानरमा निर्माण भएको यो फिल्ममा आर्शीवाद र लक्ष्मीको साथमा निकिता आचार्य, प्रतिकराज आचार्य, रोशनी कार्की, राजन ईशान, दीपिका थापा, लय संग्रौला, मोहन निरौला, रामबाबु रेग्मी, रश्मि भट्ट, उत्तम केसी, गीता थापा लगायतका कलाकारहरुको अभिनय छ ।

फिल्ममा निर्देशक सिंहको लेखन, रुवी सेनको निर्माण छ । संजय लामा र राजेश श्रेष्ठको छायांकन रहेको फिल्मलाई मुस्ताङ, बाग्लुङ, कास्की, दमौली, मकवानपुर र काठमाडौंमा गरिएको हो । फिल्ममा रञ्जित गजमेर र बसन्त सापकोटाको संगीत छ ।

फिल्मको प्रदर्शन मिति चाँडै घोषणा गर्ने तयारी गरिएको निर्देशक सिंहको भनाई छ ।