नेपाल आएका सोनु निगमले भने–‘नेपालीलाई भेट्दा उत्साह बढ्छ’

बलिउडका चर्चित पाश्र्व गायक सोनु निगम नेपाल आइपुगेका छन् । त्रिभुवन विमानस्थलको भीआईपी कक्षबाट बाहिरिएका सोनुले मिडियासँग छोटो अन्तरक्रिया गरे ।
 
उनले भने–‘म हिजो पनि निकै व्यस्त थिएँ । भारतमा केही कार्यक्रममा व्यस्त भएकाले नेपालको कार्यक्रम के गर्ने भन्ने पनि भयो । तर, नेपाल आउँदा र नेपालीहरूलाई भेट्दा मलाई छुट्टै इनर्जी प्राप्त हुन्छ ।’

सोनुले नेपाली गीत गाउने वा नगाउने विषयमा केही पनि बोलेनन् । उनले, स्टेजमा नै आएर सुन्ने पर्ने बताएका थिए । 

नेपाल टचले आयोजना गर्न लागेको कार्यक्रममा सोनुले ३ घण्टासम्म दर्शकलाई झुमाउनेछन् । आज बेलुकी काठमाडौंको हायात होटलको चौरमा आयोजना हुने कार्यक्रममा १० हजार दर्शक उपस्थित हुने आयोजकको विश्वास छ । 

बेलुकी ७ बजे स्टेज चढ्ने सोनुले ३ घण्टासम्म दर्शक झुमाउने बताइएको छ ।