‘जुना’को फस्टलुकमा निराश अस्मिता

फिल्म ‘जुना’को फस्टलुक सार्वजनिक गरिएको छ । माघको २५ गतेबाट रिलिजमा आउन लागेको यो फिल्मको फस्टलुकमा कलाकार अस्मिता ढकाललाई प्रस्तुत गरिएको छ । 

गोदावरी फिल्म प्रोडक्सन एण्ड रिसर्च सेन्टर प्रालिको व्यानरमा निर्माण भएको यो फिल्मलाई जीवन सेन्चुरी निर्देशन छ । फस्टलुकमा अस्मितालाई ग्रामीण पहिरनमा देख्न सकिन्छ । सिन्दुर, पोते र हातमा बाला लगाएकी अस्मिता कतै हेरिरहेकी छन् । यो पोस्टरलाई राकेश दाहालले तयार पारेका हुन् । 

फिल्ममा अस्मिता ढकाल, कृष्णप्रसाद धिताल, देशभक्त खनाल, रश्मि भट्ट, कमल बोहोरा, अस्मिता बस्नेत, खगेन्द्र न्यौपाने, विकास आनन्द, इन्द्र विके र केशव अधिकारीको अभिनय छ ।

यो फिल्मले ‘बाल विवाह सामाजिक अपराध भएको भन्दै यसलाई अन्त्य गरौं’ भन्ने सन्देश बोकेको छ, निर्देशक सेञ्चुरीले भने । पर्वतको सालिजा ओख्रेनीमा छायांकन गरिएको फिल्ममा दीपकप्रसाद घिमिरेको लगानी छ ।

फिल्ममा राजबहादुर सानेको कथा, बीबी अनुरागी र रमेश सेञ्चुरीको संगीत, जीवन सेन्चुरी र भीमबहादुर पौडेलको शब्द, रामेश्वर हुमागाँइको डीओपी छ ।