साइन्स फिक्सन फिल्म ‘एक्लो’को क्यारेक्टर पोस्टर सार्वजनिक

 नेपाली फिचर फिल्म ‘एक्लो’ को क्यारेक्टर पोस्टर सार्वजनिक गरिएको छ। साइन्स फिक्सनमा आधारित रहेर निर्माण भइरहेको फिल्मका दुई मुख्य पात्रको क्यारेक्टर पोस्टर सार्वजनिक गरिएको हो। हलिउड अभिनेता जेमी बेकन र डान्सर तथा अभिनेत्री कविता नेपालीको पोस्टर सार्वजनिक गरिएको छ। सार्वजनिक पोस्टरले फिल्म स्तरीय बनेको संकेत गरेको छ।

फिल्मका निर्देशक प्रदीप शाही हुन्। शाहीको यो तेस्रो निर्देशकीय प्रयास हो। लामो समयदेखि बेलायत बस्दै आएका शाहीले ‘एक्लो’ लाई हलिउड स्तरको फिल्म बनाउने तयारी गरेका छन्। हाल फिल्मको लन्डनमा पोस्ट-प्रोडक्सन कार्य भइरहेको छ। फिल्मको सम्पूर्ण कार्य सम्पन्न भएपछि मात्र प्रदर्शन मिति घोषणा गरिने निर्देशक शाहीले बताएका छन्।

यो फिल्ममा स्टारकास्टहरूको लामो लाइन छ। यसमा प्रदीप खड्का, विजय लामा, सुनील थापा, दिया पुन, वेनिशा हमाल, दिनेश डीसी, कविता नेपाली, सुरज सिंह ठकुरी, त्रिचु राई, कृष्णभक्त महर्जन, विकास अधिकारी, दिग्गज खत्री, विनोदकुमार सुवेदी क्षितिज, श्रीशेष श्रेष्ठ, बाल कलाकार जेमिन श्रेष्ठ र स्योन सविक सिंहलगायत बेलायती अभिनेता जेमी बेकनको अभिनय रहेको छ।

फिल्म ‘एक्लो’ का निर्माता राजु कुमार गुरुङ, हरि श्रेष्ठ, विष्णु तामाङ, उत्सव विष्ट, भाइराजा थापा, नवीन सिवा, र बागवीर पुन हुन्। कार्यकारी निर्माता विनोद सुवेदी क्षितिज रहेका छन्।

बाबु श्रेष्ठको छायांकन रहेको यस फिल्ममा राजु तामाङको द्वन्द्व निर्देशन, सेट डिजाइनमा राजु पेन्टर, कला निर्देशनमा सन्तोष लामा तथा प्रोडक्सन डिजाइनमा प्रेम खड्का रहेका छन्।