एआईको प्रयोग गर्दै चरित्रहत्या गर्ने विरुद्ध कानुनी उपचार खोज्दै समीक्षा

गायिका समीक्षा अधिकारीको क्रेज अहिले देश तथा  विदेशका स्टेज कार्यक्रममा छ । समीक्षा अधिकारी नेपालमा आयोजना हुने थुप्रै महोत्सव कार्यक्रममा पनि पुग्ने गरेकी छिन् । यस्तै, विदेशमा आयोजना हुने सांगीतिक कार्यक्रममा पनि उनको उपस्थिति बलियो छ । 

तर, बेलाबखत स्टेज कार्यक्रममा समीक्षाको आक्रोश पनि सुनिन्छ । आफूलाई अनावश्यक रुपमा लान्छना लगाउनेहरू माथि समीक्षाको आक्रोश पनि सुनिएको छ । 

उनै, समीक्षाले आफ्नो एआई भिडियो बनाएर चरित्र हत्या गर्ने माथि कानुनी उपचार खोज्ने उल्लेख गरेकी छिन् । सामाजिक संजालमा उनले लेखेकी छिन्–‘एआई प्रयोग गरि मेरो चरित्रहत्या हुने भिडियो बनाएर भाइरल गरिएको देखेँ । यत्तिकै सृजनशीलता र समय राम्रो काममा खर्चिएको भए तपाइहरुको वर्तमान र भविष्य उज्ज्वल हुने थियो । मैले पनि कानुनी उपचार खोज्नुपर्ने थिएन । साइबर ब्यूरो जाँदैछु ।’

समीक्षाले आफ्नो चरित्रहत्या गर्ने विरुद्ध कानुनी उपचार खोज्ने बताइरहँदा सामाजिक संजालमा उनलाई प्रतिक्रिया दिनेहरूले पनि चुप लागेर नबस्न आग्रह गरेका छन् ।