अस्कर अवार्डबाट बाहिरयो ‘शाम्बाला’

मीन भामको निर्देशनमा तयार भएको फिल्म ‘शाम्बला’ अस्कर अवार्डको प्रतिस्पर्धाबाट बाहिरिएको छ । नेपालबाट अन्तराष्ट्रिय फिचर विधामा यो फिल्म सिफारिश भएको थियो । 

तर, उत्कृष्ट १५ फिल्मको सर्ट लिस्टमा पनि यो फिल्म पर्न सकेन । बुधबार अस्करको आयोजक संस्था एकेडमी अफ पिक्चर आर्टस् एन्ड साइन्सले सार्वजनिक गरेको सर्ट लिस्टमा यो फिल्मको नाम छैन । 

यो फिल्म भदौको २८ गतेबाट नेपाली बक्स अफिसमा रिलिज भएको थियो । समीक्षकहरूले राम्रो प्रतिक्रिया दिएपनि यो फिल्मले नेपाली बक्स अफिसमा खासै दमदार उपस्थिति जनाउन सकेन । यो फिल्मले विश्वका थुप्रै महोत्सवमा अवार्ड भने जितिसकेको छ ।