‘ज्वाइँ साब’ निर्देशकको ‘दशमी’ घोषणा, फूलपातीमा रिलिज हुने

यो बर्षको दशैंमा ‘ज्वाइँ साब’ दर्शकमाझ ल्याएका निर्देशक बसन्त निरौलाले नयाँ फिल्मको निर्देशन गर्ने भएका छन् । यो फिल्मको भक्तपुरको सूर्य विनायक गणेस्थान मन्दिरमा स्क्रिप्ट पूजा गर्दै घोषणा गरिएको हो । 

रेड आई फिल्मस् र रोमन फिल्मस्को प्रस्तुति रहने यो फिल्ममा राजकुमार पण्डितको लगानी रहनेछ । फिल्ममा दिलीप रानाभाटको लेखन छ । विजय बस्याल कार्यकारी निर्माता रहेको यो फिल्मको छायांकन कहिलेदेखि सुरु हुन्छ पक्का गरिएको छैन । यस्तै, फिल्मका लागि कलाकारहरू  पनि फाइनल गरिएको छैन । 

आउँदो बर्षको दशैंमा केही फिल्मको प्रदर्शन मिति तय गरिसकिएको छ । अब, ‘दशमी’ पनि आउने भएपछि फूलपातीमा फिल्महरूको भिडन्त चर्को हुने देखिएको छ ।