‘माइतीघर’मा दिकिलाको इन्ट्री

रोहित अधिकारीको निर्माणमा तयार हुन लागेको फिल्म ‘माइतीघर’मा कलाकारहरुको लाइनअप बलियो बन्दै गइरहेको छ । मिलन तामाङको निर्देशनमा बन्ने यो फिल्ममा यसअघि कलाकार केदार घिमिरे, प्रकाश सपुत र नायिका उपासना सिंह ठकुरी फाइनल भइसकेका छन् । 

अब, यो फिल्ममा निर्माणपक्षले नयाँ अनुहार भित्राएको छ । यो फिल्ममा अब दिकिला शेर्पाले काम गर्ने पक्का भएको छ । एमटीभीको रियालिटी शो ‘स्प्लिट्भिल्ला सिजन ५’बाट चिनिएकी दिकिला शेर्पाले यो फिल्मबाट डेब्यू गर्न लागेकी हुन् । 

यस्तै, उनले हालैमात्र रिलिज भएको गायक एकदेव लिम्बुको ‘झिम झिमाउने आँखा’ बोलको गीतको म्युजिक भिडियोमा पनि काम गरेकी थिइन् । 

फिल्ममा दिकिलालाई भूमिका सुहाउने भएपछि भित्र्याउन लागेको निर्माता रोहित अधिकारीले जानकारी दिए । यो फिल्मका लागि अझै एक जना नायक फाइनल गर्न बाँकी रहेको निर्माणपक्षले बताएको छ । 

यो फिल्मलाई आउँदो बर्षको दशैंको फूलपातिबाट रिलिज गर्ने तयारी निर्माणपक्षको छ ।