दशैंमा थपियो सरोजको ‘फन फनी घुमेर’

फिल्म ‘जेरी अन टप’को निर्माण गरिरहेका निर्माता सरोज न्यौपानेले नयाँ फिल्मको घोषणा गरेका छन् । उनले नयाँ फिल्म ‘फन फनी घुमेर’ निर्माण गर्ने औपचारिक जानकारी सामाजिक संजालबाट दिएका छन् । 

भविष्य खड्का र सरोज न्यौपानेको निर्माणमा तयार हुने फिल्मलाई अनन्या फिल्मस्को प्रस्तुतिमा दर्शकमाझ ल्याइनेछ । फिल्मका लागि कलाकार, निर्देशक र प्राविधिक कोही पनि तय गरिएको छैन । 

यो फिल्मलाई आगामी बर्षको दशैंमा रिलिज गर्ने घोषणा समेत निर्माणपक्षले गरेको छ । सरोज हाल फिल्म ‘जेरी अन टप’को छायांकनमा व्यस्त छन् । यो फिल्मलाई भने जेठमा रिलिज गर्ने तयारी गरिएको उनको भनाई छ । 

आउँदो बर्षको दशैंमा ‘फन फनी घुमेर’ पनि आउने भएपछि संख्या झनै बढेको छ । यसअघि ‘महाराजधिराज, परालको आगो, माइतीघर’ लगायतका फिल्म दशैंमा रिलिज गर्ने पक्का भइसकेको छ ।

यो बाहेक अशोक शर्माले बनाउन लागेको फिल्म, विराज भट्टको ‘१२ गाउँ’, ‘कबड्डी ५’ लगायतका फिल्मलाई पनि दशैंमा रिलिज गर्ने तयारीका साथ काम अगाडि बढाइएको वुझिएको छ ।