यस्तो छ सौगातको ‘बम बहादुर’को ट्रेलर

नायक सौगात मल्ल अभिनित फिल्म ‘बमबहादुर’ पौषको ५ गतेबाट रिलिजमा आउँदैछ । फिल्म रिलिजको तीन साता अगाडि यसको निर्माणपक्षले ट्रेलर सार्वजनिक गरेको छ । 

सार्वजनिक ट्रेलरमा सस्पेन्स, थ्रीलर, सामाजिक कथा निर्माण भएको यो फिल्ममा सौगातलाई विद्रोही भूमिकामा प्रस्तुत गरिएको छ । यो फिल्मले भारतको दार्जिलिङको कथा भन्छ । साहिल खानले यो फिल्मको ट्रेलर तयार पारेका हुन् ।

यो फिल्मले भारतका नेपाली, विशेषगरि दार्जिलिङ पहाड र छिमेकी क्षेत्र डुअर्समा बसोबास गर्ने नेपाली समुदायको संघर्षका पलहरुमा आधारित ऐतिहासिक संघर्षलाई चित्रित गर्छ ।

यो फिल्मले आज भन्दा ३८ बर्ष पहिलोको कथा प्रस्तुत गरेको निर्माणपक्षले बताएको छ । जोन राइको निर्देशनमा तयार भएको यो फिल्ममा सौगातको साथमा प्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, अजय प्रधान लगायतका कलाकारहरुको अभिनय छ । 

ब्रदर्स फिल्मस् प्रा.लिको ब्यानरमा बनेको यो फिल्मका निर्माता सञ्जीव कार्की हुन् । फिल्ममा जोन राई र रुपेश तामाङको कथा तथा पटकथा, सुजय कुमार घोषको छायांकन, ज्ञान गुरुङको सम्पादन, दीपङ्कर सिंह मुखियाको संगीत छ ।