नाजिर र श्रृष्टीको ‘केटी हराएको सूचना’ माघ ११ गतेबाट रिलिजमा आउने

फिल्म ‘मिसिङः केटी हराएको सूचना’को नयाँ प्रदर्शन मिति तय गरिएको छ । यो फिल्म कात्तिकको ३० गतेबाट पोष्टपोन्ड भएको थियो । अब, यो फिल्म माघको ११ गतेबाट रिलिजमा आउने पक्का भएको छ । 

निर्माणपक्षले फिल्मका मुख्य दुई पात्र नायक नाजिर हुसेन र नायिका श्रृष्टी श्रेष्ठको नयाँ पोस्टर सार्वजनिक गर्दै माघको ११ गतेलाई प्रदर्शन मिति तय गरेको हो । ट्राई सिटी पिक्चर्सको प्रस्तुतिमा तयार भएको यो फिल्मलाई दीपेन्द्र गौचनले निर्देशन गरेका हुन् ।

फिल्ममा संजय गुप्ता, रामनारायण ठाकुर, मदन ठाकुर, रीना रिमाल, कौशल्या ठाकुर, ललिता देवी मिश्र लगायतका कलाकारहरुको अभिनय छ । नकिम उद्दिन कार्यकारी निर्माता रहेको फिल्ममा दीपेन्द्र गौतमको कथा र लेखन, अमित पोखरेल र अमितेष शाहको सहायक लेखन, अमित पोखरेलको स्क्रिप्ट सुपरभिजन छ ।

अमर महर्जनको डीओपी, निमेष श्रेष्ठको सम्पादन, शंकर महर्जनको एक्सन, दीपेन्द्र गौचन, प्रवेश मल्लिक, करूण थापाको संगीत, राजीव कर्णको कोरियोग्राफी यो फिल्ममा छ ।