जाहन्वीले सुरु गरिन् ‘प्रेम गीता’को छायांकन

फिल्म ‘प्रेम गीता’  निर्माणको घोषणा गरिएको छ । आज यो फिल्मको शुभसाइत सम्पन्न भयो । राजेन्द्र बस्नेतको डेब्यू निर्देशन रहने यो फिल्मको काभ्रेको पाँचखालबाट छायांकन सुरुवात भएको हो । ग्रीन प्यारोट्स फिल्म प्रोडक्सनको व्यानरमा यो फिल्म निर्माण हुन लागेको हो ।

यो फिल्ममा सुशील पोखरेल, जाहन्वी बस्नेत, साजिद खान, आशा पौडेल, अर्जुन गुरुङ, दीपक केसी, खुश्वु पाण्डे, माधव केसी लगायतका कलाकारहरुको अभिनय रहनेछ । साजिद खान प्रस्तुतकर्ता रहेको फिल्ममा अयाज अलि खान निर्माता छन् ।

फिल्मको छायांकन काठमाडौं र काभ्रेमा गरि २५ दिनसम्म गरिनेछ । मौनता श्रेष्ठको लेखन, रामेश्वर हुमागाँइको छायांकन, भरत बस्नेतको संगीत, राजु किराँतको एक्सन, रामजी लामिछानेको कोरियोग्राफी यो फिल्ममा रहनेछ ।