‘उकाली ओराली’ गाउँदै सोनु निगमले भने–‘नेपाल तयार रहनुहोस्’

गायक सोनु निगमले आफू नेपालीहरूसँग भेट्न आतुर रहेको उल्लेख गरेका छन् । डिसेम्बर २५ मा हायात होटलको ग्राउन्डमा आयोजना हुन लागेको ‘सोनु निगम लाइभ इन नेपाल’ कार्यक्रमका लागि उनी नेपाल आउने तयारीमा छन् ।

नेपाल आउनु अगाडि एक भिडियो सन्देश पठाउँदै निगमले भनेका छन्–‘कस्तो छ ? मेरो प्यारा नेपाली साथीहरू । म तपाइहरुसँग राम्रोसँग मिल्न पाएको छैन । यसैले, डिसेम्बर २५ मा तपाइहरुसँग मिल्न आउँदैछु । टिकट पनि उपलब्ध भइसकेको छ । धेरै माया छ ।’

निगमले भिडियो सन्देशमा उनले गाएको चर्चित नेपाली गीत ‘उकाली ओराली’ पनि गाएका छन् । डिसेम्बर २५ मा दर्शकले निगमका चर्चित गीतहरू सुन्न पाउनेछन् । 

उनले अंग्रेजी नयाँ बर्ष एकसाथ मनाउन पनि फ्यानहरुलाई आग्रह गरेका छन् । नेपाली टचले यो कार्यक्रमको आयोजना गर्न लागेको हो ।