‘फ्रेन्ड्स सिनेमाज्’ अब वुटवलमा पनि

धरानको लोकप्रिय फ्रेन्ड्स सिनेमाज्को नयाँ फ्रेन्चाइज बुटवलमा संचालनमा आएको छ । बुटवलको अमरपथस्थित सिंह कम्प्लेक्समा फ्रेन्ड्स सिनेमा संचालनमा आएको छ । रोयल सिने हव प्रालिले यो हल संचालनमा ल्याएको हो । शुक्रबारदेखि औपचारिक रुपमा हलको सुरुवात भएको हो । 

३ बर्ष अगाडि प्रदीप धामी, पुष्कर घिमिरे र आशिष तामाङले मिलेर सिने हब प्रालि संचालनमा ल्याएका थिए । यही ग्रुपले अब बुटवलमा पनि हल संचालनमा ल्याएको हो । 

यो हलमा २२२ सिट क्षमता छ । यसैगरी एसी र साउण्ड गुणस्तरलाई पनि ध्यान दिइएको उनीहरुको भनाई छ । उद्घाटनको पहिलो साता दर्शकहरुलाई १५० रुपैयाँमा नै फिल्म हेर्न मिल्ने व्यवस्था मिलाइएको छ । दैनिक ५ देखि ६ शोजसम्म फिल्म चलाउने मिल्ने संचालकको भनाई छ ।

बिहानी शो, मंगलबार र बुधबार दर्शकले सस्तोमा  फिल्म हेर्न पाउनेछन् । यो टिमले फिल्मको वितरण समेत गर्दै आएको छ ।