बद्री पंगेनीको छोरीको ‘कन्या राशी’बाट अभिनयमा डेब्यू

चर्चित लोक गायक बद्री पंगेनीकी छोरी बिहानी पंगेनीले अभिनयमा डेब्यू गरेकी छिन् । बद्रीले नै तयार पारेको ‘कन्या राशी’ बोलको गीतको म्युजिक भिडियोमा बिहानीले अभिनयमा डेब्यू गरेकी हुन् । 

भिडियो हेर्दा बिहानीको कामले दर्शकको मन जित्न सक्छ । यो म्यूजिकल फिल्ममा हिन्दु यूवति र मुसलमान यूवकबिचको प्रेम सम्बन्धलाई प्रस्तुत गरिएको छ । यसपटक पनि बद्रीले आफ्नो गीतमार्फत धार्मिक सद्भावको सन्देश दिएका छन् । 

नारायण ज्ञवालीको शब्द रहेको यो गीतमा बद्री र गायिका समीक्षा अधिकारीको स्वर छ । भिडियोमा प्रभात पल ठकुरी, बिहानी पंगेनी, अशोक पंगेनी, हमिद मियाँ, भवानी पंगेनी, श्याम पटेलको अभिनय हेर्न सकिन्छ । 

बिहानी हाल मोडलिङसँगै एलएलबीको अध्ययनमा व्यस्त छिन् ।