सोलो रिलिजको फाइदा ‘कार्साङ’ले कती उठाउला ?

पौषको २६ गतेबाट रिलिजमा आउने भनिएको फिल्म ‘मायाबी’ फागुनको १४ गते पुग्यो । अब, यो मितिमा फिल्म ‘कार्साङ’ मात्र रिलिज हुने भएको छ । 

यो फिल्मको प्रचार भने केही समय अगाडिदेखि नै सुरु भएको हो । यो फिल्मको निर्माणपक्षले मुख्य कलाकारहरू दयाहाङ राई, सिर्जना निङलेखु, जितु नेपाल र दीया मास्केको पोस्टर सार्वजनिक भइसकेको छ । यसले, फिल्मप्रति दर्शकको उत्साह पनि बढाएको छ । अझ, सार्वजनिक पोस्टरमध्ये कलाकार जितु नेपालको लुक्सले दर्शकमा उत्साह बढाउन बढी मद्दत पुगेको देखिन्छ । 

यो फिल्ममा मुख्य कलाकार को भन्ने प्रश्न पनि उठेको छ । किनकी, निर्माणपक्षले दयासँगै जितुको लुक्ससहितका पोस्टर पनि निरन्तर सार्वजनिक गर्नुले यो प्रश्न उठेको हो । यम शेर्पाको लेखन तथा निर्देशनमा तयार भएको फिल्ममा वुद्दि तामाङ, श्रृष्टी गौतम, डोमा होल्मो, प्रेम लोप्चन, सुरवीर पण्डित लगायतका कलाकारहरुको पनि अभिनय छ ।

यार्सा फिल्मस् र पुरुषोत्तम प्रधान फिल्मस्को प्रस्तुतिमा निर्माण भएको फिल्ममा पुरुषोत्तम प्रधानको छायांकन छ । गोविन्द बोहरा सह–निर्माता रहेको फिल्ममा आङ छिरिङ शेर्पा कार्यकारी निर्माता, वीरेन्द्र शाही लाइन प्रोड्यूसरको रुपमा छन् । 

पौष २६ गते सोलो रिलिजको अवसर पाएको फिल्मले दर्शकको मन जित्न सकेको खण्डमा, यो बर्षको अर्को सुपरहिट फिल्म बन्नेछ । दयाहाङको फिल्म असारपछि रिलिजमा आएको छैन । यसैले, दर्शकले ६ महिनापछि दयालाई पर्दामा हेर्न पाउनेछन् ।