शम्भुजितको ‘महागठबन्धन’बाट निखिलको कमब्याक

नेपाली फिल्म क्षेत्रका पुराना नाम चलेका कलाकारहरू एकपछि अर्को रुपमा कमब्याक गरिरहेका छन् । उनीहरुको कमब्याकले चौतर्फी तारिफ पनि पाइरहेको छ । 

अब, नेपाली फिल्म क्षेत्रमा ‘एक्सन नायक’को रुपमा चिनिएका नायक निखिल उप्रेतीको पनि कमब्याक हुने भएको छ । निखिलले फिल्ममा काम गर्न लागेको चर्चा चलेको लामै समय भयो । केही समय अगाडि उनले आफै फिल्म बनाउन लागेको खबर समेत सार्वजनिक भएको थियो । तर, फिल्म ‘भैरव’ निर्देशन गरेपछि निखिलले नयाँ फिल्म निर्देशन गरेका छैनन् । 

अब, निखिलले फिल्म ‘महागठबन्धन’मा काम गर्न लागेका छन् । यो फिल्मलाई संगीतकार शम्भुजित बास्कोटाले निर्माण गर्दैछन् । फिल्मलाई सुवर्ण थापाले निर्देशन गर्ने पक्का भएको छ । 

फिल्म ‘महागठबन्धन’ बन्न लागेको निर्देशक थापाले पनि पुष्टि गरे । मेरो फिल्मसँगको कुराकानीमा उनले भने–‘हामीले अघिल्लो एक प्रोजेक्टको काम अहिलेलाई पोष्टपोन्ड गर्दै महागठबन्धनको कामलाई अगाडि बढाएका छौं । निखिलजीसँग काम गर्ने बिषयमा मौखिक कुरा भइसकेको छ ।’

यो फिल्मले राजनीतिक कथावस्तुलाई प्रस्तुत गर्ने थापाको भनाई छ ।