पल र दीपिकाको ‘मायाबी’ फागुन १४ बाट रिलिजमा आउने

यसअघि पौषको २६ गतेबाट रिलिज हुने भनिएको निर्देशक दिवाकर भट्टराईको निर्देशनमा बनेको फिल्म ‘मायाबी’को प्रदर्शन मिति पोष्टपोन्ड भएको छ । 

यो फिल्म अब महाशिवरात्रिको अवसर पारेर फागुनको १४ गतेबाट रिलिजमा आउने भएको छ । फिल्मको निर्माणपक्षले यो फिल्मको पोस्टर सार्वजनिक गर्दै नयाँ प्रदर्शन मिति घोषणा गरेको हो । 

फिल्मको पोष्टरमा नायक पल शाह र नायिका दीपिका प्रसाँई रोमान्टिक देखिएका छन् । साथमा, पल शाहको भावुक गेटअप पनि पोष्टरमा देख्न पाइन्छ । यसले, फिल्ममा रोमान्स र विछोडको कथा रहेको वुझ्न सकिन्छ । 

यो फिल्ममा सुशील सिटौला, करिश्मा श्रेष्ठ, प्रशान्त ताम्राकार, समिम खान लगायतका कलाकारहरुको पनि अभिनय छ । फिल्ममा दिवाकर भट्टराइको कथा तथा लेखन पनि छ ।

फिल्ममा ध्रुव न्यौपाने, राज कटुवाल र चन्द्र पन्तको निर्माताको रुपमा छन् । फिल्ममा मञ्जु भण्डारी, राजु पराजुली, सुमित ओली सह–निर्माता, प्रवीण भट्टराई र करण सिंह कार्यकारी निर्माताको रुपमा छन् ।